Тӱҥ партий ден республикысе ял озанлык министерстве аграрий- влаклан топливым ситарыме йодышым каҥашеныт
«Единый Россий» ден республикысе ял озанлык министерстве аграрий- влаклан топливым ситарыме йодышым каҥашеныт. Ял озанлык сатум ыштен лукшо- влаклан чарныде дизель топливым ситарен шогымо йодыш пашаче вашлиймашын тӱҥ темыже лийын. Тушто «Предпринимательство» ден «Руш села» федерал партий проект- влакын координаторышт Артём Поздеев ден Ильнур Нурмухаметов, нефттепродуктым кондышо предприятийлан еҥышт да ял озанлык министр Павел Раевский участвоватленыт. Нуно тӱн пасу паша- влак вашеш йӱлышӧ да шӱрымӧ материалым ситарыме, тудлан акым кучымо йодыш- влакым каҥашеныт. Топливым жапыштыже да чаткан ситарен шогымаш уборко жапым сайын эртараш, лектыш шотышто палемдыме показательыш шуаш тӱҥ условий улыт. Пашаче вашлиймашын лектышыже почеш чыла участник коклаштат пайдале лектышан вашкылым ыштыме корным палемдыме.
Фото: «Единый Россий».
Фото: «Единый Россий».
