Самырык питбайкерын ачажлан кугу штрафым тӱлаш верештеш
Самырык питбайкерын ачажлан кугу штрафым тӱлаш верештеш. Курык марий районышто Кугыжаныш автоинспекций пашаеҥ- влак питбайкым викатрыше 14 ияш рвезым кученыт. Службышто улмо годым Картук селаште тӱшка корно дене кудалше питбайкерым ужыныт. Тудым чарен шогалтеныт да ача-аважым ӱжыктеныт. Рашемдыме: тӱшка корно дене кудалышташ огыл налме спортинвентарь рвезын ачажын улмаш. Эргыжлан пасушто гына кошташ кӱштымӧ улмаш, а тудо мутым колыштын огыл. Питбайкым посна стоянкыш наҥгайыме. Рвезым ийготыш шудымо- влакын пашашт шотышто подразделенийыш профилактике учётыш шогалтат. А ачажлан правадыме еҥлан транспорт дене кудалышташ правам пуымыжлан 30 тӱжем теҥге штрафым тӱлаш верештеш. Тиддеч посна ийготыш шудымо- влакын пашашт шотышто инспекцийыш материалым ача-аважеым мутым кучаш шогалташ колтымо.
Фото: Кугыжаныш автоинспекций.
Фото: Кугыжаныш автоинспекций.
