Самырык- влак кечын пайрем мероприятий- влак уло республике мучко эртат

Самырык- влак кечын пайрем мероприятий- влак уло республике мучко эртат
             Йошкар-Оласе Патриарший площадьыште Самырык- влакын кечышт годым 27-ше июньышто уремысе тӱвыра да спортын «Кардо» Тӱнямбал конкурс- премийжын 9-ше тургымжын регионысо йыжыҥже эрта. Тудо «Россий- ышташ йӧным пуышо эл» президент платформыш пура. Мероприятий уремысе тӱвыра фестиваль формат дене эрта. Уна- влакым таҥасымаш, показательный выступлений, усталыкым ончыктымаш, урем сообществын еҥышт дене вашлиймаш, самырык- влакын кечыштлан пайрем программе вучат.
            Таҥасымаш- влак тыгай корно дене лийыт: воркаут, ВМХ, фриран, скейтбординг, хип-хоп, брейкинг да молат. Регионысо йыжыҥыште сеҥыше- влак республикым «Кардо» премийын гранд-финалыштыже 16-шо гыч 20-шо сентябрь марте Владивостокышто арален кертыт. Республике икымше гана премийын официальный регионысо йыжыҥжым эртара.
            Самырык- влак кечын пайрем мероприятий- влак уло республике мучко эртат, Йошкар-Олаште  тӱҥ программыже Изи Какшан серыште лиеш. Ойыртемалтше событий- влак коклаште 11 шагатлан САП-фестиваль,  14 шагатлан «Кардо» премий ден ончер, 15 шагатлан Самырык- влак кече,  авто- да мотопробег тӱҥалеш, икмыняр минут гыч марий да россий эстрадын артистше- влак концертым ончыктат. Нунын коклаште Эстет ден Ида, Шып Лий, Грель улыт. Ӱжмӧ артистше- Ваван.
                Фото kardoaward.com

Прошлые выпуски