Российысе калык- влак йылмын кечыже кышкарыште Марий Эл мучко пайрем мероприятий- влак эртат

Российысе калык- влак йылмын кечыже кышкарыште Марий Эл мучко пайрем мероприятий- влак эртат
              Российысе калык- влак йылмын кечыже кышкарыште Марий Эл мучко пайрем мероприятий- влак эртат. Ямдылалташ тӱналме: Марий Элыште тудым рӱдӧ олаште гына огыл, район ден округлаштат палемдаш шонат. Российысе калык- влакын йылмыштын кечыже поэт Расул Гамзатовын шочмо кечынже- 8-ше сентябрьыште палемдалтеш.
              Ямдылалтме кышкарыште Марий Эл кугыжаныш Погынышто «йыргешке ӱстел» йыр эксперт- влак погыненыт. Каҥашымаште кӧргӧ политике министр Антон Мирбадалев, Марий Эл Кугыжаныш Погыным вуйлатыше Михаил Васютин участвоватленыт. Вашлиймаште тыгак профилян министерствылан, Марий университетын, МарНИИЯЛИ-н да Россий калык- влак ассамблейын верысе пӧлкажын еҥже- влак лийыныт. Погынышо- влак ятыр шонымашым темленыт. Нунын коклаште шанче да туныктыш вашлиймаш, тематике экскурсий ден ончер, тематике стелым почмаш, марий йылмым цифрыш кусарыме шотышто проектлам ончыктымаш да молат улыт. Тыгак тиде кечылан Йошкар-Олам сӧрастарымашым каҥашеныт. Олаште кугыжаныш йылмыла дене возымо баннер- влак лийын кертыт.
               Михаил Васютин палемден: пайрем тыгак кундемыште илыше- влакын шочмо йылмыштланат пӧлеклалтын. Тыгеже мероприятий- влак район ден округлаштат лийшаш улыт. Республикысе мероприятий- влак планым тӱвыра министерстве ямдыла. Планым пырля ямдылышылан тыгак Республикын Правительствыже, Кугыжаныш Погын, Марий университет, Калык- влак ассамблейын пӧлкаже да МарНИИЯЛИ шотлалтыт.
             Фото: Кӧргӧ политике министерстве.

Прошлые выпуски