«Йошка Еш» гастрономий фестиваль эртыш

«Йошка Еш» гастрономий фестиваль эртыш
          Эртыше каныш кечылаште Медведево ипподромышто Регион- влак кокласе кӱкшытан 4-ше «Йошка Еш» гастрономий фестиваль эртыш. Тений тудо 13 регион гыч 200 утла поварым ушен. Марий Эл гыч  15 эн сай команде, элнан тӱрлӧ лукшо гыч 12 представитель уна- влаклан 340 тӱрлӧ сийым ямдыленыт.
          Республикым вуйлатыше Юрий Зайцев фестивальыш миен, калыкле кочкыш- влакым тамлен да ресторатор- влак дене муланен. Гастрономий пайремым почшыла тудо палемден: «Йошка Еш» Президент Путинын увертарыме Российысе калык- влакын икоян улмо идалыкыште эрта. Тиде фестиваль чынжыман келшымаш да пырля лийме пайрем. Тӱрлӧ калык- влак ме пырля улына. Мемнан деке уна- влак шке порылыкышт, шӱм- чон ужашышт дене пайлалташ толыныт. Фесивальыште поснак шижына- ме икоян улына, молан манаш гын, шуко тӱрлӧ калыкан Россий мемнам ушен шога. Тыштак мемнан кугу элнан куатше,- манын тудо.
          Марий Элым вуйлатыше «Российын гастрономий картше» федерал проектым вуйлатыше Екатерина Шаповалова дене павильон- влакым ончен лектыныт, ресторатор- влак дене вашлийыныт, тӱрлӧ калыкын сийтжым тамленыт. Фестивальыште шке сийыштым Алтай, Камчатка край- влак, Алтай, Бурятий, Коми, Удмуртий республикыла, Мурман, Ростов, Архангельск, Кострома, Челябинск областьла  темленыт. 
          Фестиваль кышкарыштак «Марий кундемын гастрономий кодшо» книган презентацийже эртен. Калыкле сий- влак дене палыме лийме деч вара уна- влак тӱвыра программе, артист- влакын выступленийыштым, мастер-класслам, спорт мероприятийлам, ӱстембал модмашым ончен кертыныт, тӱрлӧ фото-зоно- влакым ыштыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски