Ынде Оршанке районын администрацийым вуйлатыше уло

Ынде Оршанке районын администрацийым вуйлатыше уло
             Оршанке муниципал районын администрацийжым вуйлатышыже уло. Депутат- влак Ленар Балтаевым пеҥгыдемденыт. Тудо пытартыш пелийыште районын администрацийжым вуйлатышын пашажым жаплан шуктышо ыле. Тудын кандидатурыжым ик йӱк дене поддержатленыт.
             У вуйлатышын биографийже классике шотан. Университетым тунем пытарымеке банк сферыште пашам ышташ тӱҥалын. 2017-ше гыч 2025-ше ий марте Медведево район администрацийым вуйлатышын алмаштышыже лийын. Вара Чувашийысе ял озанлык министрын алмаштышыжлан ыштен. Но ик ий гыч, тений февральыште, Марий Элыш пӧртылын да Оршанке районым жаплан вуйлатыше лийын. Ынде тудын врио приставкыже уке. Сессийыште Ленар Балтаев кум тӱҥ цельым палемден: районым ӱшанлын вияҥдымаш, илыш качествым виктарыше  йодыш- влакым  решатлымаш да СВО-н участникше ден нунын ешыштым поддержатлымаш.
           Фото: Кӧргӧ политике министерствын пресс-службыжо.

Прошлые выпуски