Турист увер рӱдер Патриарший площадьыште шке вержым муэш
Турист увер рӱдер Патриарший площадьыште шке вержым муэш. Сентябрь кыдалне Йошкар-Ола мэрийыште туроператор- влак дене совещаний эртен. Турист фирмын представительышт да экскурсовод- влак дене вашлиймаште ола мэрын сомылжым шуктышо Антон Трудинов увертарен: сеҥен налме грант кышкарыште эҥер сереш увер рӱдер вераҥдалтеш. Тиде кӱртньӧ каркасан сооружений лиеш. Тудын адресше: Царьград проспект, 37-ше пӧрт. Тудым ышташлан кандаш миллионат 500 тӱжем теҥгем кучылташ палемдыме. Ушештарена: турист-увер рӱдер Йошкар-Олан историй тоштержын подразделенийже улеш да 2015-ше ий годсек пашам ышта. Турист увер рӱдер Рӱдӧ олаштына турист- влаклан йӧнан да оҥай лийже манын тырша.
Фото: Михаил Винокуров.
Фото: Михаил Винокуров.
