Кинорежиссёр Алексей Нужный Йошкар-Ола гыч лӱмлӧ еҥ- влак дене футболла модеш

Кинорежиссёр Алексей Нужный Йошкар-Ола гыч лӱмлӧ еҥ- влак дене футболла модеш
                Кинорежиссёр Алексей Нужный Йошкар-Ола гыч лӱмлӧ еҥ- влак дене футболла модеш. Шуматкечын 5-ше октябрьыште Йошкар Армий уремысе 50-ше пӧрт кудывечыште у футбол площадкым почмаш лиеш да футбол матч эрта. Площадкым чоҥаш Алексей Нужный окса дене полшен. Полеште «Факел» футбол команде ден Российысе юрист- влак ассоциацийын марий пӧлкажын командыже вашлийыт. «Факел» командыште Алексей Нужный, Дмитрий Морозов, Илья Королёв, Михаил Королёв, Артур Багдасарян, Павел Овчинников, Константин Шепелев модыт. Ушештарена: кинорежиссёр Алексей Нужный «Я худею», «Громкая связь», «Огонь», «Пара из будущего», «Бременские музыканты» кино- влак дене палыме. Алексей тиде кудывечыштак кушкын, йолташыже- влак дене футболла модын. Ынде лач тиде кудывечым тӱзландараш шонен пыштен. Футбол площадке чыла кумылан- влаклан почмо лиеш. Икымше футбол матч эрта. Лӱмлӧ еҥ- влакын кидпалым пыштыман мечым да площадкым кудывечысе йоча- влаклан пӧлеклат. Модмаш лу шагатлан тӱҥалеш.
           Фото: скрин.

Прошлые выпуски