Козьмодемьянскыште эҥер навигаций 18-ше октябрь марте шуйна

Козьмодемьянскыште эҥер навигаций 18-ше октябрь марте шуйна
             Козьмодемьянскыште эҥер навигаций 18-ше октябрь марте шуйна. Тений тудо эн кужу лиеш,- увертара оласе пассажир причалын пабликше. Октябрьыште Козьмодемьянскыш «ВодоходЪ» компанийын шым круиз теплоходшо толеш. Нуно причалыш 2-шо, 4-ше, 7, 11 12 да 18-ше октябрьыште  шогалшаш улыт. Адакшым 4-ше октябрьыште Чыкма олаш кече мучко кок судно толеш. Чыла судныжат кечывал марте толыт да икмыняр шагат шогат. Турист- влак Козьмодемьянскын оҥай верже- влакым ончен кертыт. Тиддеч посна шыжа тылзын «Водолёт» компанийын «Метеор» судно дене рейсше- влак лийыт. 5-ше да 12-шо октябрьыште Угарман- Козьмодемьянск- Чебоксар- Мариинский Посад- Озаҥ маршрут дене кайыше судно- влак шогалыт, а 6-шо да 13-шо числаште «Метеор»- влак мӧҥгеш толмышт годым чарнат.
        Фото: «Козьмодемьянскысе пассажир причал» ВК

Прошлые выпуски