Карай школышто «Портышкем пайремым» веселан палемденыт

Карай школышто «Портышкем пайремым» веселан палемденыт
                Волжский районысо Карай школышто «Портышкем пайремым» веселан палемденыт. Пайремышке Кугыжаныш Погынын депутатше, Марий книга савыктышын директржо Эдуард Иманаевым уна семын ӱжмӧ. Тений икымше гана программышке «Мунло» уш-акыл марафоным пуртымо. Тудым марий тӱвыра рӱдерын пашаеҥже- влак эртареныт. Тудын темыже Марий Элын историйже, марий калыкын йылмыже да сылнымутшо, поян фольклоржо, йӱлажлан пӧлеклалтын. Пайрем муро-куштымашлан. портышкемым ыштыме мастар-класслан, тудым тӱрлымылан, портышкем ончерлан, тунемше- влакын фотографий ден сӱретыштлан поян лийын. Тыгак йолчиемым ачалаш туныктышо мастар-классат оҥай эртен. Южо мероприятийже уремыштак лийын. Яндар южышто ече дене таҥасеныт, портышкемым тораш кудалтен ӱчашеныт, лумышто ӱштервоштыр дене хоккейла модыныт да моло оҥай таҥасен модмаш- влакат лийыныт.

Прошлые выпуски