Йошкар-Олаште турист автобус- влаклан тӱлыман да цифран вич парковкым ыштат

Йошкар-Олаште турист автобус- влаклан тӱлыман да цифран  вич парковкым ыштат
             Йошкар-Олаште турист автобус- влаклан тӱлыман да цифран  вич парковкым ыштат. Мэрын пашажым шуктышо Антон Трудиновын мутшо почеш вер- влакым туризмын еҥышт дене пырля палемдыме. Тыге автобус- влак пробкым ыштышаш огытыл да вер- влакым шонымо семын тореш-кутынь айлышаш огытыл. Тӱлыман стоянке- влак кушто лийыт. Оболенский-Ноготков площадь воткене Ленин проспектыште- вич вер, Ленин площадьыште Комсомол урем велым лу вер, Кодшо ийын Вознесенский уремысе 76-шо пӧрт тураште чоҥымо шогалме карман ден драмтеатр шеҥгелне парковкышто 7 вер, тушто тыгак тӱшка шондан лиеш, Курчак театр воктене Царьград проспектыште лу вер, туштат санитар вер лийшаш, Чарла кремльыш Вознесенский урем могыр гыч пурымаште лу вер лийшаш улыт. Шошым нине верлаште корно пале- влакым вераҥдат. Нуно лач автобус- влаклан чарнаш правам пуат, икмыняр тылзыже оксам тӱлыдыман лийыт. Кызыт мэрийыште парковко сервисым налаш йодышым каҥашат. Тудо пашам ышташ тӱналмекыже водитель- влак яра парковко верым кызытсе жап режимыште ужаш тӱналыт. Турист автобус- влак кудывечылаш ынышт пуро манын, ола администраций тыгай ситуацийым эскераш да корно пале- влак дене чараш тӱҥалеш.
              Фото: Архив.

Прошлые выпуски