«Кугезе вож» йоча фольклор фестиваль лиеш

«Кугезе вож» йоча фольклор фестиваль лиеш
             «Кугезе вож» йоча фольклор фестиваль 27-ше февральыште лиеш. Республикыштына фольклориадыш каяшлан эн сай йоча коллектив- влакым ойырат. Республике кӱкшытан фольклор фестиваль Морко районысо Михаил Степанов лӱмеш тӱвыра рӱдерыште лиеш. Тидын нерген тӱвыра министерствын пресс-службыжо увертара. Фестивальыште уло республике гыч йоча да самырык- влакын коллективышт, усталык студий, школ, тӱвыра пӧрт- влак участвоватлат. Участник- влак эре эртарыме пайрем, йӱла ужаш- влакым, муро да куштымаш- влакым ончыктат. Сеҥыше- влак Марий Элын чапшым тений июньышто Уфаште лийшаш Россий кӱкшытан йоча фольклориадыште аралаш  тӱҥалыт. 30 ий утла историян «Кугезе вож» фестивальым Республикысе калык усталык рӱдер эртара,- увертара «Кидшер» сайт.
           Фото: Николай Любимов / Кидшер

Прошлые выпуски