Республикысе 16 школышто капитально олмыктымо пашам тӱҥалме
Республикысе 16 школышто капитально олмыктымо пашам тӱҥалме. Тидлан оксам «Самырык- влак да йоча –шамыч» калыкле проект кышкарыште ойырымо. Тиде окса дене леведыш ден тӱжвал пырдыжым уэмдат, кабинетлам, спорт ден актовый заллам, кочмыверым, каныме зоным модернизироватлат, воктел кумдыкым тӱзландарат. Тыгак у мебельым да кызытсе жаплан келшыше оборудованийым налаш палемдыме. Марий Элым вуйлатыше палемден: олмыктымо тема шукым тургыжландара. Сандене тудын деке тидын дене кылдалтше йодыш шуко пура. Идалык еда икмыняр школым уэмдаш тыршена. Тидын годым тунемме процессымат кӱрлаш огыл манын йӧным кычалына. Кокла шот дене паша 6-8 тылзе наре шуйна. Икымше сентябрьлан чыла машам мучашлаш шонена,- каласен Юрий Зайцев. Тидымат рашемден: республикыште 2022-шо ий гыч 247 школ гыч 34-ыштыже олмыктымо пашам шуктымо. Изин-изин чыта тунемме тӧнежымат шотыш кондымо лиеш.
Фото: Юрий Зайцевын ВК-же.
Фото: Юрий Зайцевын ВК-же.
