Медведево районышто орышо рывыжлан кӧра карантиным увертарыме
Медведево районышто орышо рывыжлан кӧра Республикым вуйлатыше карантиным увертарен. Орышо янлыкым верештме лӱдыкшӧ участкылан Нурма селаште посна еҥын озаныкше шотлалтеш. Медведевысе вольык чер ваштареш кучедалме районысо станций увертара: орышо рывыж кудывечыш пурен, орымо чер ваштареш прививкым ыштыдыме пий деке пижын. Озажлан ветеринар- влак деч полышым йодаш верештын. Чер ваштареш чылаже 57 пийлан, 33 пырыслан, лу каза ден шорыклан, 12 тӱкан шолдыра вольыклан прививкым ыштыме. Карантин нерген Указ дене келшышын Нурма села кумдыкышто чарымаш- влакым пуртымо. Нуно посна распоряжений марте кучалтыт.
Фото: Медведево районысо вольык чер ваштареш кучедалме станций.
Фото: Медведево районысо вольык чер ваштареш кучедалме станций.
