Килемар районысо Нежныр селаш пураш чарыме

Килемар районысо Нежныр селаш пураш чарыме
           Пандемийлан кӧра Килемар районысо Нежныр селаш пураш чарыме. Тушто сӧсна- влакым кораҥдат. Лишыл икмыняр кечыште Нежнырыште 22 сӧснам малтат да поген налыт. Тидыже сӧснан африкан чума пандемийже дене кылдалтын. Нежнырысе ик сурт озанлыкыште сӧснан африкан чума чержым икымше гана 28-ше июльышто рашемдыме. Оза- влак вольыкын нелын черланымжым ужын, вольык чер дене кучедалше станцийыш йыҥгыртеныт. Специалист- влак анализым налыныт да чер улмым пеҥгыдемденыт. Кумшо август гыч ветеринар- влак Нежнырыште да йырым йыр 20 меҥге кумдыкышто вольыкым малташ да поген налаш тӱналыныт. Ялышке кызытеш пураш чарыме. Эҥгекыш логалше кажне сурт озанлыклан компенсацийым тӱлат. Окса кугытшым Марий Эл Правительство рашемда.

Прошлые выпуски