Марий Эл кундемым вияҥдыме индивидуал программе кышкарыште пашам сайын шукта

             Марий Эл идалык мучаш марте социал экономик велым кундемым вияҥдыме индивидуал программе кышкарыште федерал бюджет гыч ойырымо оксам пӱтынек пашаш кучылтеш. Кокла иктешлымашым видеоконференций йӧн дене Российын экономически вияҥмаш министрже Максим Решетниковын эртарыме совещанийыште ыштыме. Тушто Марий Элым вуйлатыше Юрий Зайцев участвоватлен. Министр палемден: Марий Эл тений индивидуал программым шыҥдарыме дене 99,9 процентыш шушо ик регион гына. Идалык мучаш марте тиде ик луаш процентшат кучылталтеш. Тиде программе шке пайдалыкшым сайын ончыктен.- каласен Максим Решетников. Юрий Зайцев мероприятийым сайын шуктымо нерген ойлен. Тудын мутшо почеш республике 727 у пашаверым почын, а палемдыме почеш 583 вер лийшаш ыле. Чылаже индивидуал программым шыҥдарыме жапыште 16 объектым чоҥаш да пужен ышташ палемдыме. Тымарте лужым пашаш колтымо. 2024-ше ий мучаш марте эше 428 пашаверым ыштыме лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски