Марий Элын Парламентарийже- влак «Шонымашым шуктышо кож» гыч тыланымашым возыман шар- влакым мучыштарат

        Марий Элын Парламентарийже- влак «Шонымашым шуктышо кож» гыч тыланымашым возыман шар- влакым мучыштарат. Марий Эл Кугыжаныш Погын тиде поро кумыл акцийыш ушнен. Моло ийласе  семынак депутат- влак «Солнышко» йоча интернат-пӧртыштӧ илыше- влакын шонен коштмыштым шуктен кертыт. Погыным вуйлатыше Анатолий Смирнов 12 ияш ӱдырын йодмыжым шуктышаш. Тудо спорт костюмым пӧлеклаш йодын. Таче акцийыш 34-ше сессийыш погынышо- влакат ушненыт. Тиддеч ончыч Анатолий Смирнов Федераций Советыште регионласе парламентлан спикерыштын погынымаштышт тыгай акцийыш ушнен да ДНР гыч рвезын шонымашыжым мучыштарен налын ыле. Рвезе радиовиктарыман машинкым вуча. Колян шонымашыже вашке шукталтеш, пӧлек миен шуэш. Йӱштӧ Кугызалан шонымашым шукташ Пенсий Фодын Марий Элысе пӧлкажым виктарыше Владимир Ореховат ушнен. Тудо вигак кок шарым налын. Когынек интернат гыч улыт. 15 ияш Сева сем колонкым Йӱштӧ Коча деч йодын, 11 ияш Петя- тюбингым. Виктарыше ӱшандарен: Йӱштӧ Коча нунын шонен коштмыштым шукта.
         Фото: Марий Эл Кугыжаныш Погын.

Прошлые выпуски