Юрий Зайцев сар операцийыште кредалше- влакын икшывыштлан у ий пӧлек- влакым кучыктен
Юрий Зайцев сар операцийыште кредалше- влакын икшывыштлан у ий пӧлек- влакым кучыктен. Республикыштына Марий Элым вуйлатышын у ий ёлкыжо- влак эртат. Теҥгече республикысе курчак театрыш мобилизоватлыме, доброволец, вуйым пыштыше военнослужащий, сарзе операцийыште участвоватлыше- влакын 200 утла икшывышт погынен. Нуно «Снежная королева» йомак представленийым онченыт да Республикым вуйлатыше деч шере пӧлек- влакым налыныт. Юрий Зайцев нуным саламлен да ачада чын герой да Российын патриотшо манын палемден. Тидымат ешарен: шке тӱҥалтышыже почеш республикыштына «Марий теле йоча- влаклан» проект илышыш шыҥдаралтеш. Проект кышкарыште у ий представлений, концерт, мастар класс да моло оҥай мероприятий- влак лийыт. Кызытак конкурслашке ушнаш, тӱрлӧ спектакльым ончаш, кушташ, модаш лиеш. Республикым вуйлатышын ёлкыжо- влак 23-шо декабрь марте шуйнат. Тушто тӱжем утла еҥ участвоватла. Тиде - сар операцийыште участвовталыше- влакын икшывышт, марий йылмым тунемше-шамыч, тӱрлӧ олимпиадыште, конкурсышто, таҥасымаште участвоватлыше да чолга йоча- влак улыт. Тиддеч посна школ деч ончычсо тунеме тӧнажлаш коштшо 550 утла йочалан муниципал ёлка- влак эртат.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
