Вячеслав Абукаев лӱмеш премийым налше лауреат- влакым увертарыме

             Рӱдӧ олаштына Вячеслав Абукаев лӱмеш премийым налше лауреат- влакым увертарыме. Тений тудым куд еҥ налын. 2021-ше 2022-шо ийлан поэзий, драматургий, проза да журналистике аланыште Вячеслав Абукаев лӱмеш премийым Шкетан лӱмеш театрыште кучыктымо. «Виш чон» номинацийыште корреспондент- влак Елена Годунова ден Лилия Николаева, теле-радио журналист- влак коклаште Жанна Фёдорова палемдалтыныт. «Эн сай драматургий» корно дене Анжела Тимоевам саламлыме. «Кинде-шинчал» номинацийыште премийым Христина Александрова ден Андрей Николаев налыныт. Поэт, драматург, кусарыше да журналист Абукаев-Эмгак лӱмеш премийым марий тӱвырам да сымыктышым вияҥдыме «Ший памаш» поро кумыл фонд пеҥгыдемден. Тудо кок ийлан ик гана пуалтеш. Лауреат- влакым вич номинацийыште рашемдат.
           Фото: «Кидшер» сайт.

Прошлые выпуски