Книгагудо- влаклан книгам налмым мониторитлыше у системым тергыме шотышто ныл пилот регион коклаш Марий Элат пурен
Книгагудо- влаклан книгам налмым мониторитлыше у системым тергыме шотышто ныл пилот регион коклаш Марий Элат пурен. Российысе кугыжаныш книгагудо Российын тӱвыра министерствыжын полшымо дене «Субсидий окса дене книгагудылам комплектоватлымым эскерыше системым» ямдылен. Марий Эл тиде системым тестироватлыше ныл пилот регион гыч иктыже лийын. Марий Элым вуйлатышын мутшо почеш модуль бюджет оксам пайдалын да раш кучылтмым ончыкташ полша. Тидыже книгагудо- влаклан шке фондыштым писын пойдараш да лудшо- влаклан йодмаш дене пайдаланыше савыктышым ситараш йӧным пуа. Марий Элыште книгагудо фонд- влак эре пойдаралт шогат. 2024-ше ийыште федерал окса кӱшеш шым тӱжемат 400 книгам налме,- палемден Юрий Зайцев. Системе субсидий дене пайдаланыше книгагудо- влакын книгам налмыштым тергаш да налме литературын могай улмыжо да содержанийже нерген раш отчетым ышташ йӧным пуа. Марий Элыште системым тестироватлымаш 27-ше январьыште мучашлалтын. Республикысе книгагудо- влак шындыме задачым сайын шуктеныт. Тений мониторитлыше системым Российысе чыла регионысо книгагудылаштат шыҥдараш тӱҥалыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
