Марий Элым вуйлатыше тылыште тыршыше 102 ияш ӱдырамашлан Сеҥымашлан 80 ий теммылан пӧлеклалтше икымше медальым кучыктен

Марий Элым вуйлатыше тылыште тыршыше 102 ияш ӱдырамашлан Сеҥымашлан 80 ий теммылан пӧлеклалтше икымше медальым кучыктен
               Марий Элым вуйлатыше тылыште тыршыше 102 ияш ӱдырамашлан Сеҥымашлан 80 ий теммылан пӧлеклалтше икымше медальым кучыктен. Звенигово районыш мийымыже годым республикым вуйлатыше тылыште тыршыше Зинаида Васильевна Соколова деке пурен лектын. Кугу сар годым 19 ияш Зинаида Соколова Подольскысо патрон заводышто пашам ыштен. Заводым Барнаулыш эвакуироватлымеке, Зинаида шке ялешыже кодын, пасушто ораван тарктор дене пашам ыштен, чодырам руаш полшен, шужен шинчымашым, моло нелылыкым чытен лектын. Сар деч вара фабрикыште станочницылан тыршен, 1960-шо ий гыч Красногорскысо автофургон комбинатыште пашам ыштен да тушеч пенсийыш лектын. Кызыт Зинаида Васильевна 102 ияш, лишыл еҥже- влак пелен ила, кужу ӱмырын секретшылан еҥ- влак дене мутланымашым, порылыкым, ончыкылан ӱшаным да пашам йӧратымашым шотла. Республикым вуйлатыше тылыште тыршыше дене мутланен да «1941-1945-ше ийласе Кугу Ачамланде сарыште сеҥымылан 80 ий» икымше лӱмгече медальым Элым вуйлатышын лӱмжӧ дене кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски