Марий Элым вуйлатыше Юрий Зайцев «Курымешлан подвиг» регионысо проектлан тӱҥалтышым ыштен

Марий Элым вуйлатыше Юрий Зайцев «Курымешлан подвиг» регионысо проектлан тӱҥалтышым ыштен
             Марий Элым вуйлатыше Юрий Зайцев «Курымешлан подвиг» регионысо проектлан тӱҥалтышым ыштен. Российын Президентше Владимир Путин 2025-ше ийым «Ачамландым аралышын идалыкше» семын увертарен. Тыгак тиде ийын кӱлешан событий- Кугу Ачамланде сарыште сеҥымылан 80 ий темме палемдалтеш. Марий Элым вуйлатышын тӱҥалме «Курымешлан подвиг» проектше Элнан эрыкше верч лӱдде да достойнын кредалше- влак нерген шарнымашым кодаш виктаралтын. Элым аралышын идалыкше- тиде эн ончычак кызытсе тукым деке ветеран- влак верч азапланаш, герой- влакым мондаш огыл манын ӱжмаш. Проект кышкарыште участник- влак сар жапыште кредалше, тылыште сеҥымашым таптыше родо-тукым нерген ойлымашым, каласкалымашым колтен кертыт. Историй ден фотосӱрет- влакым подвигнавека@яндекс.ру электрон почтыш колтыман.
                Юрий Зайцев социал вотышто шке лаштыкыштыже Йошкар-Ола гыч ӱдырымаш- сарын участникше Валентина Павловна Фёдорован пӱрымашыже нерген каласкален. Тудлан теҥгече 102 ий темын. Валентина Павловна 1923-шо ийын 29-ше январьыште шочын. 1942-шо ийыште фронтыш налыныт, санитар ротышто служитлен. Сеҥымашым Тора Эрвелыште вашлийын. Мӧҥгӧ 1945-ше ийыште ноябрьыште гына пӧртылын. Сар деч вара йоча садыште воспитательлан ыштен Ятыр наградыже уло. Нунын коклаште Ачамланде сарын орденже, Жуковын медальже улыт. Марий Элым вуйлатыше палемден: Валентина Павловнан пӱрымашыже- куатын, патырлыкын, чытымашын примерже. Историй-влакым  у тукымын шӱмыштыжӧ ачамландым чын аралыше- влак нерген шарнымаш илыже манын социал вотлаште савыктыме лийыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски