«Динамовские надежды» турнирыште Марий Элын командыже чемпион лийын

«Динамовские надежды» турнирыште Марий Элын командыже чемпион лийын
         «Динамовские надежды» турнирыште Марий Элын командыже чемпион лийын. Йошкар-Олаште футбол дене 2010-шо- 2011-ше ийлаште шочшо- влак коклаште «Динамовские надежды» Регион- влак кокласе кӱкшытан турнир эртен. Таҥасымаш лӱмлӧ голкипер, СССР-ын вич гана чемпионжо, СССР кубкым кум гана сеҥен налше, Олимпий модмашын чемпионжо Лев Яшинын 95 ияш лӱмгечыжлан пӧлеклалтын. Турнирыш погынышо- влакым Марий Эл эл кӧргӧ паша министр Андрей Вырвич, «Динамо» марий организацийым вуйлатышын алмаштышыже Николай Ершов, спорт министрын пашажым шуктышо Вера Пронина саламленыт. «Марий Эл Арена» манежыш кок дивизионысо 12 команде лектын. Самырык футболист- влак Йошкар-Ола, Тюмень, Санкт-Петербург, Чебоксар, Киров, Уфа, Шумерля да Зеленодольск гыч лийыныт. Вашлиймаш- влакын лектышышт почеш икымше верыш Марий Эл гыч «Динамо» команде лектын. Кокымшо вер Зеленодольсклан логалын, кумшо верыш Санкт-Петербург гыч «Динамо» лектын.-увертара республикысе МВД.
            Фото: Марий Элысе МВД.

Прошлые выпуски