Марий Элыште кагаз промышленностьлан химикатым ямдылыме аланыште инвестиций проект шыҥдаралтеш
Марий Элыште кагаз промышленностьлан химикатым ямдылыме аланыште инвестиций проект шыҥдаралтеш. «АКТО» ушем 1999-ше ий гыч кагаз промышленностьлан тичмаш цикл продукцийым лукшо ик эн кугу предприятий улеш. Команийын тӱҥ продукцийже- кагаз ден картонын тӱрлӧ характеристикыжым 20 процентлан саемдаш кучылталтше тӱрлӧ химикат. Пытартыш жапыште предприятийын паша куатше ныл пачаш кушкын. «АКТО» ушем Россий мучко да лишыл йот эллаштат пашам ышта. Химикат кӱкшӧ качестван сырьё гыч шкенан элысе оборудований дене ышталтеш. 2024-ше-2025-ше ийлаште компаний Звенигово районысо Шолэҥер посёлко кундемыште инвестиций проектым шыҥдарен, производствыжым уэмда. Проектышке улшо производство цехлам пужен ыштымаш, ямде продукцийлан тӱжемат 500 квадрат метр кумдыкан у складым чоҥымаш пурат. Проектын кӱлешан ужашыжлан продукцийым тергыме кӱкшӧ технологиян шкенжын лабораторийжым ыштымаш шотлалтеш. Инвестицй проект у пашавер- влакымат почаш йӧным пуа. Марий Элым вуйлатыше Юрий Зайцев паша дене Звенигово районыш мийымыже годым «АКТО» предприятийымат ончен. Тудо палемден: инвестиций проектым сайын шыҥдарымаш производство кугытым да проукцийын ассортиментшым ешараш гына огыл, кагаз промышленностьлан химий продуктым лукмо рынкыште республикын таҥасен кертме куатшымат кугемда. Тидыже ешартыш инвестицийым конда да республикын экономикыжлан кушкаш полша.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
