Книгагудышто кугу форматан фотоончер пашам ышта

       Республикын 100 ияш лӱмгечыже вашеш ямдылыме «Мланде планета. Марий Эл» фотовыставкыште марий кундемын сӧраллыкшым ужаш лиеш. Курымаш лӱмгечым палемдыме кышкарыште Сергей Чавайн лӱмеш калыкле книгагудышто тиде кумда форматан экспозиций пашам ышта. Тушто кугу форматан 25 фотопанорамым вераҥдыме. Южыжо куд метр кужытышкат шуэш. Мутлан, «Марий Швейцарийым», «Мӱшыл ерым», эн кугу да келге Яльчик ерым кумдан ужаш лиеш. Тыгак тушто «Кугу Какшан» заповедникын, «Марий Чодыра» паркын, «Кӱ курык» ден «Горное заделье» заказник- влакын пӱртӱс моторлыкыштым ончыктымо. Курык марий кундемат ӧрдыжеш кодын огыл: Аламнер курык, кӱшычын Юл эҥерым очныктышо сӱрет- влак улыт. Выставкым идалык мучаш марте ончаш лиеш.

Прошлые выпуски