Кокымшо номеран йоча поликлиникын у зданийжым «Интеграл» микрорайонышто чоҥаш тӱҥалыт
Йошкар-Олаште кокымшо номеран йоча поликлиникын у зданийжым «Интеграл» микрорайонышто чоҥаш тӱҥалыт. Кызыт изи пациент- влакым кокымшо поликлинике Свердлов уремысе 40-ше А пӧртыштӧ обслуживатла. У поликлиникым 2024-ше 2025 ийлаште «Тазалыкаралтышын икымше звеножым уэмдымаш» регионысо проект кышкарыште чоҥаш палемдыме. Кызыт проект деч ончычсо паша- влак шукталтыт. Чоҥымо да монтаж пашам 2026-шо ийын икымше кварталже марте шукташ палемдыме, - увертарен ола администрацийын архитектура да олам чоҥымо виктемжым вуйлатыше Андрей Дождиков. У зданий Машиностроитель, Сад, Шумелёв да Строитель урем- влак коклаште яра верыште лийшаш. Тудым Свердлов уремысе поликлиникым кусараш манын чоҥат.
ФОТО: Тазалыкаралтыш министерствын пресс-службыжо.
ФОТО: Тазалыкаралтыш министерствын пресс-службыжо.
