Марий Эл гыч тунемше- влак «Белая трость» фестивальын финалисткыже лийыныт

            Марий Эл гыч школышто тунемше- влак «Белая трость» фестивальын финалисткыже лийыныт. Москошто 13-шо октябрьыште «Ош кидтоя» Тӱнямбал кӱкшытан 13-шо поро кумыл фестивальын гала-концертше лиеш. Фестивальыште начар ужшо да уждымо йоча- влак ик сценыште палыме мурызо, артист, музыкант- влак дене усталыкыштым ончыктат. Фестивальын ойырен налме йыжыҥыштыже Россий да СНГ элла гыч 800 йоча участвоватлен. Москошто «Ош кидтоя» фестивальыште Марий Элысе Сотнур села гыч Елизавета Иванова ден Йошкар-Ола гыч Виктория Павлова лийыт. Нуно коктынат Савинысе школ- интернатыште тунемыт. Нуно ойырен налмашым эртеныт да жюрин кӱкшӧ акшым налыныт. Нуным финалист семын фестивальыш ӱжыныт. Тыгак нуным тӱвыра программе, мастар-класс, экскурсий, йыргешке ӱсте- влак вучат. Фестиваль тений 13-шо гана эрта. Тудым Диана Гурцкаян начар ужшо да уждымо йоча- влаклан полшышо «Шӱм ӱжмӧ почеш» поро кумыл фондшо ямдыла.
            Фото: Фестиваль «Ош кидтоя».

Прошлые выпуски