Школым чоҥымо ойпидышым пудыртышо концессионер- влак шотышто мерым ышташ кӱштымӧ

               Марий Элым вуйлатышылан сайлымашыште сеҥыше Юрий Зайцев совещанийыште школым чоҥымо ойпидышым пудыртышо концессионер- влак шотышто мерым ышташ кӱштен. Килемар районысо Кугу Памъялысе школыш мийыме годым пеш кугу проблеме улмым шке шинчам дене ужынам, нимом ыштыде пашам ыштышыла койын гына шогат, - каласен Юрий Зайцев. Школым кеҥежымак ыштен шуктышаш улыт ыле. Йошкар-Оласе»Юбилейный» микрорайонышто 825 верлан чоҥалтшаш школышто ямдылалтме пашам гына шуктымо. Концессионер кугыжаныш экспертизын заключенийжым налын огыл, тыге чоҥашлан разрешеният уке. Кызыт концессионер- влаклан обязанностьым шуктыдымылан неустойкым тӱлаш претензийым колтымо. Юрий Зайцев школым чоҥашлан чыла мерым ышташ кӱштен, а чоҥымаш министрлан тиде йодыш дене арня еда совещанийым эртараш кӱштымӧ.
             Фото: Марий Элым вуйлатышын организаций да аналитик виктемже.

Прошлые выпуски