Юрий Зайцев паша дене Санкт-Петербургышто улеш

            Марий Элым вуйлатышын пашажым шуктышо Юрий Зайцев паша дене Санкт-Петербургыш миен. Тушто тудо  Петербургысо 11-ше Тӱнямбал газ форумышто участвоватла. Тудо «Газпром» ушем Правлений Председательын алмаштышыже Виталий Маркелов да «Газпром межрегионгаз» ушемын генеральный директоржо Сергей Густов дене вашлиеш. Тушто Килемар ден Юрино районлашке газым пуртымо йодышым каҥашат. Проект да шымлыме паша шушаш ийын тӱналшаш. Тидыже 10 тӱжем наре еҥ илыман 26 ялыш газым кондаш йӧным ышта. Тиде ныл тӱжем наре пӧрт да 7 котельный Юрино ден Курык марий районлаште, Килемар ден Оршанке районлаште 25 тӱжем еҥ илыман 12 ял але тӱжемат 900 пӧрт лиеш. Кызыт пӱртӱс газын укелыкше Килемар ден Юрино районлаште экономике вияҥмашым чарен шога. Вашлиймаште тыгак догазификаций йодышым ончат.
             Фото: Марий Элым вуйлатышын организаций да аналитик виктемже.

Прошлые выпуски