Ынде пӧртлашкат шокшым пуат
Йошкар-Оласе илыме пӧртлашке шокшым шушаш арня тӱҥалтышыште пуат. Тиддеч ончыч социал тӧнеж- влак шокшо дене пайдаланаш тӱҥалыныт ыле. Нунын коклаште 68 йоча сад, 31 школ да 11 медицина тӧнеж улыт. Пытартыш лу ий жапыште Йошкар-Олаште тиде шокшым пуымо эн эр жап, -каласен мэр Евгений Маслов. Кодшо ийын, мутлан, школ, йоча сад, эмлыме вер- влакым 15-ше сентябрь гыч ырыкташ тӱҥалме, 2019-ше ийыште 23-шо сентябрь гыч, 17-ше ийын- 26-шо числа гыч. А 2015-ше ийыште икымше октябрьыште гына шокшым пуымо. Игечым да нормативым шотыш налын, олтымо тургымым шушаш арня гыч тӱҥалаш палемдыме. Но чот йӱкшемден колта гын, план вашталт кертеш, каласен олам вуйлатыше.
Фото: Йошкар-Ола мэрий.
Фото: Йошкар-Ола мэрий.
