Коньки дене мунчалташ шонышо еҥ ий йымак пурен каен
Коньки дене мунчалташ шонышо еҥ ий йымак пурен каен. Тудлан ГИБДД пашаеҥ- влак полшеныт. «Медведевский» МВД пӧлкан дежурный частьышкыже 12 ияш рвезе йыҥгыртен. Тудо увертарен: Имэҥер (Крутой Овраг) ял воктене тул йӧрташ ыштыме пӱяште пӧръен пурен каен. Тушко ДПС пашаеҥ- влак, полицийын лейтенантше- шамыч Алексей Пуртов ден Михаил Домрачев миеныт. Нойышо, кылмыше пӧръеҥым тура сер воктене верештыныт. Тудо вӱд гыч лектын кертын, а курыкыш кӱзаш вийже ситен огыл. ГИБДД пашаеҥ- влак патруль машина марте конденыт, вургемым вашталтен чиктеныт да шокшо чайым йӱктеныт да медицина тӧнежыш намиен коденыт. Рашемын: 38 ияш верысе пӧръеҥ коньки дене мунчалташ шонен пыштен, но ий вичкыж улмаш. Тораште огыл улшо подростко- влак тудым ужыныт да полицийыш йыҥгыртеныт. Шке жапыштыже полышым пуымылан кӧра, пӧръеҥ илыше кодын.
Фото: УГИБДД виктем.
Фото: УГИБДД виктем.
