Шушаш ийын республикыштына 18 кӱварым олмыкташ тӱҥалыт

Шушаш ийын республикыштына 18 кӱварым олмыкташ тӱҥалыт
              Шушаш ийын республикыштына 18 кӱварым олмыкташ тӱҥалыт. Корно тургым мучашлалтын гынат, Марий Элыште корно- влакым умбакыже олмыктат. Тушто паша идалык мучко шуйна манаш лиеш. Кызыт корно пашазе- влак Советский районышто «Куяр-Солнечный- Роҥго» корно дене «Горная поляна» ял воктене йыргорным тӧрлат. Тушто Шуля эҥер гоч кӱварым ыштат. Марий Турек районышто тыгак «Большое Опарино ял воктене «Елеево-Марий Турек- Лоп» корнышто пашам ыштат. Тушто Уржум эҥер гоч кӱварым ачалат. У Торъял кундемыште Элеволко ял воктене Шуй эҥерыште йыр кайыме кӱварым рончат. Звенигово районыштат паша шолеш. Памаштӱр ял воктене Ӱшӱт эҥер гоч, Курык марий районышто Кожерла ял воктене Сундырка эҥерыште пашам шуктат. Чыла инженер сооруженийыштат корно дене кылдалтше калыкле проект кышкарыште капитально олмыктымо паша кая. Шушаш ийын 18 кӱварым ачалат, луыштыжо тений пашам тӱҥалме, - увертара «Марий Элысе корно- влак» паблик.
           Фото:  «Марий Элысе корно- влак» ВК.

Прошлые выпуски