Марий Эл ден Беларусь Республике- влак вашкылым кучымо йодыш- влакым каҥашеныт
Марий Эл ден Беларусь Республике- влак вашкылым кучымо йодыш- влакым каҥашеныт. Кок республике коклаште ужалкалыме да экономике, шанче-техник, тӱвыра да гуманитар вашкыл шотышто Пашаче группын заседанийже лийын. Мероприятийыште Марий Элым вуйлатыше Юрий Зайцев, Беларусь республикын илыме вер да коммунал озанлык министрже Геннадий Трубило, кок вел гычат министертстве ден ведомствылам вуйлатыше- влак лийыныт. Геннадий Трубило палемден: Беларусьлан Марий Эл ужалкалыме шотышто кӱлешан партнёр улеш. Тенийсе лектыш почеш кок велым оборот 43 миллион долларыш шуын. Тидын годымак вашкылым кугемдыме у точко- влакым кычалаш кӱлеш. Икте- весыланна уло мом ончыкташ да темлаш,- манын тудо. Юрий Зайцев пытартыш ийыште вашкыл вияҥмаште сай вашталтыш коеш манын палемден. Мутлан, Беларусьысо Большой театр ден Эрик Сапаев лӱмеш опера да балет театр коклаште кыл сай, идалык еда кокымшо апрельыште Марий Элыште Беларусь ден Россий калык- влакын икоян улмыштлан пӧлеклалтше «Пеҥгыде келшымаште мемнан вийна» самырык- влак акций эртаралтеш. Пашаче группын заседанийыштыже Марий Элысе илыме вер да коммунал озанлык организаций- влаклан, лифт оборудованийым кондымо шотышто йон улмым палемденыт. Троллейбус- влакым уэмдаш пашам пырля виктарыме нергенат ойлымо. Правительстве 45 троллейбусым налаш шона. Агропромышленный комплексыштат ончыкылык кугу. Вашлиймаш почеш кок велымат 2026-шо ий марте торгово- экономик, шанче-техник, тӱвыра вашкыл шотышто мероприятий- влак планым пеҥгыдемденыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
