Козьмодемьянск гыч парус клубын историй экспедицийже мучашыш лишемын
Марий Эл гыч Юнго- влак Угарман областьысе селалан 660 ий теммым пайремлымаште лийыныт. Козьмодемьянск гыч парус клубын историй экспедицийже мучашыш лишемын. 15-ше августышто юнго- влак Угарман область Кстово районысо Кадницы селаш миеныт. Мемнан эран икымше тӱжемыше ийыштыже тушто марий- влакын акрет годсо Когакуги (Кугу куэ) олашт верланен улмаш. Кадницыште илыше историйым шымлыше Владимир Напитухин историй верла мучко самырык моряк- влаклан экскурсийым эртарен. Рвезе- влак мемориал комплексыш миеныт, акрет ола верыш Марий Эл гыч намийыме рокым шавалтеныт да истрий вер гыч урзо рокым Козьмодемьянскыш кондаш налыныт,- каласен «Паллада» парус клубым вуйлатыше Андрей Желудкин.
Шуматкечын 16-шо августышто самрык моряк- влак Кадницы селалан 660 ий теммым пайремлымаште лийыныт. Нуно селашке Кудьма эҥер дене «Шнуй Косма» парусникышт дене ийын миеныт. Нуным селасе калык, район администрацийым вуйлатыше вашлийынт. А вес кечын рвезе- влак мӧҥгеш Юриныш толын шуыныт. Шереметев замкыште нунылан экскурсийым эртареныт.
Экспедиций Козьмодемьянскыште мучашлалтын. Юнго- влак акрет ола кундем гыч налме рокым да шнуй памаш гыч налме вӱдым Курык марий район администрацийым вуйлатышылан пуэныт. Андрей Желудкин палемден: пеш оҥай- йоча- влак марий калыкын илыме вер нерген пален налыныт, парусникыште ийын коштмо сай практикым эртеныт, коллективыште илаш, парусым виктараш тунемыныт. Илышыштыт тидат кӱлеш лиеш.
Фото: Андрей Желудкин.
Шуматкечын 16-шо августышто самрык моряк- влак Кадницы селалан 660 ий теммым пайремлымаште лийыныт. Нуно селашке Кудьма эҥер дене «Шнуй Косма» парусникышт дене ийын миеныт. Нуным селасе калык, район администрацийым вуйлатыше вашлийынт. А вес кечын рвезе- влак мӧҥгеш Юриныш толын шуыныт. Шереметев замкыште нунылан экскурсийым эртареныт.
Экспедиций Козьмодемьянскыште мучашлалтын. Юнго- влак акрет ола кундем гыч налме рокым да шнуй памаш гыч налме вӱдым Курык марий район администрацийым вуйлатышылан пуэныт. Андрей Желудкин палемден: пеш оҥай- йоча- влак марий калыкын илыме вер нерген пален налыныт, парусникыште ийын коштмо сай практикым эртеныт, коллективыште илаш, парусым виктараш тунемыныт. Илышыштыт тидат кӱлеш лиеш.
Фото: Андрей Желудкин.
