Козьмодемьянскыште пассажир причалым августышто сдатлаш шонат

Козьмодемьянскыште пассажир причалым августышто сдатлаш шонат
             Козьмодемьянскыште пассажир причалым олан 440 ий теммыжлан августышто сдатлаш шонат. Козьмодемьянск турист ден экскурсант- влакым кумылаҥден шогышо верлан шотлалтеш. Причалым чоҥен пытарымаш олалан вияҥаш эше шӱкалтышым ышта. Объектым пашаш колтымо дене суткаште 200 пассажир толын каен кертеш. Тиддеч посна чарныме вер кеч-могай кугытан судно- влакым вашлийын кертеш. Тидын марте Марий Элыште капитально чоҥымо порт сооружений лийын огыл. Мероприятийым республикым социал-экономик велым вияҥдыме индивидуал программыш пуртымеке регионлан оксам ойырымо да чоҥымо паша тӱҥалын. Транспорт министр Александр Герасименко Марий Элым вуйлатышылан увертарен: объектын технически ямде улмыжо 75 процентыш шуын. Тыгай объектым пашаш колтымаш Чыкма олан 440-ше шочмо кечыже лӱмеш оласе калыклан чапле пӧлек лиеш,- каласен республикым вуйлатыше.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски