Красногорскышто орава ӱмбалне кинде заводым ыштат
Марий Элысе Красногорский автофургон комбинатыште ойыртемалтше машина- влакым ыштат. Тиде завод Российыште оборона да граждан кӱлешлыклан кузовым ыштыше тӱҥ предприятий улеш. Тыште куснылшо лабораторийым, мастерскойым, связь комплексым ыштат. Комбинатын генеральный директоржо Рафаил Шагеевын мутшо почеш, кодшо ийын ныл миллиард наре теҥгелан продукцийым ыштен лукмо. Нунын дене газ да нефть отрасльлаште да моло сферыште пайдаланат, грузовик- влакым оборона министерстве налеш. Кодшо ийын комбинатын инженерже- влак орава ӱмбалсе кинде завод дене палымым ыштеныт. Тудым кеч- могай кумдыкыштат вераҥдаш лиеш.
