Куштылго атлетике дене ГТО нормым сдатлаш лиеш
Йошкар-Оласе калыкым куштылго атлетике дене ГТО нормым сдатлаш ӱжыт. Тиде сомылым Йошкар-Ола администрацийын физический культура, спорт да самырык- влак политике шотышто виктемже виктара. 17-ше мартыште 13 гыч 16 шагат марте Комплексный спорт школышто куштылго атлетике дене вий-куатым ончыктат. А 29-ше мартыште «Марий Эл» Арена» манежыште 15 гыч 17 шагат марте куржталмаш дене нормым сдатлаш лиеш. Пелен паспорт, медсправке, школ деч йодмаш лийшаш.
