Мемнан дене икымше гана писе радиотелеграфий ден Российысе таҥасымаш- влак эртаралтыт
Йошкар-Олаште икымше гана радиоспорт (писе радиотелеграфий) дене Россий кӱкшытан таҥасымаш- влак эртаралтыт. Тудо «Йоча да самырык-влакын техник усталык рӱдерыштышт» 27-ше гыч 29-ше март марте лиеш. Ушнашлан йодмаш- влак Моско, Киров, Пенза, Ленинград, Свердловск областьла да Алтай край гыч пуреныт. Таҥасымше- влак 14 гыч 19 ияш марте улыт. Таҥасымашын тӱҥ судьяже Киров ола гыч Россий категориян спорт судья, спортын мастерже Василий Козеродов лиеш.
