Йошкар-Олан историй тоштерже икмыняр мероприятийыш ӱжеш
Йошкар-Олан историй тоштерже икмыняр мероприятийыш ӱжеш. 16-шо мартыште 18 шагатлан «Театр унагудо» проект кышкарыште Шкетан театрын актёржо- влак, Марий Элын сулло артистше-шамыч Сергей Данилов да Марина Почтенева дене вашлиймашыш вуча. Тоштерын адресше: Вознесенский урем, 39-ше пӧрт. Тоштерыште тыгак «Стоят десантники на страже рубежей» ончер пашам ышта. Тушко десант атрибутике коллекцийым чумырымо. Тудын аворжо Владимир Ерёмин 40 ий утла юж десант войса дене кылдалтше знак-влакым пога. Тудыжо лу тӱжем наре чумырген. Ончерыш 500 значокшым, вымпелым, нашивкым, вуйчиемым лукмо. 26-шо мартыште Совет Ушемын Геройжо Василий Архиповын шочмыжлан 100 ий темеш ыле. 19-ше мартыште 15 шагатлан оласе знаток- влакын клубыштын заседанийже лиеш. Вашлиймашыш Архиповын лӱмжым нумалше Семёновкысо школын еҥыштым, Геройын тукым шӱжарже Алевтина Кадниковам, кумшо ийгот университетын колыштшыжо да студент- влакым ӱжмӧ.
