Волжскышто прокуратурын ушнымыжо деч вара Ре-паркым чоҥен пытареныт
Волжскышто прокуратурын ушнымыжо деч вара Ре-парк этнотӱвыра рӱдерым чоҥен пытареныт. Олан администрацийже пашам шукташ контрактым кодшо ийын мартыште пеҥгыдемден. Объектлан 93 миллион теҥгем «Илашлан инфраструктура» калыкле проект кышкарыште ойырымо. Пашам 31-ше октябрь марте мучашлышаш улыт ыле. Но подрядчик палемдыме жапыште ыштен пытарен огыл. Ноябрьыште прокурор тергымаш рашемден: контрактым шуктымо огыл. Тудо жаплан паркыште йоча площадкым да амфитеатрым ыштыме огыл улмаш. Чоҥышо организацийын директоржым дисицплинарно мутым кучаш шогалтыме. Чыла мерым ыштымеке, ынде Ре-паркым чоҥен шуктымо, увертара надзор ведомство.
Фото: Марий Эл Прокуратура.
Фото: Марий Эл Прокуратура.
