Кугу пайрем- влаклан пӧлеклалтше торжественный мероприятий Эрик Сапаев лӱмеш опера да балет театрыште эртен
Кугу пайрем- влаклан пӧлеклалтше торжественный мероприятий Эрик Сапаев лӱмеш опера да балет театрыште эртен. Республикым вуйлатыше Юрий Зайцев республикысе калыкым пайрем дене саламлен. Лӱмгечым пайремлымашке республике у сеҥымаш- влак дене лишемын. Калыкле проект- влаклан кӧра Марий самырык театрым да Волжскышто «Родина» кинотеатрым пужен ыштыме. Школ ден йоча садлам олмыктымо, тӱшка кумдык- влакым тӱзландарыме, корным шотыш кондымо. Тыгак тунемме да производство кластер- влакым ыштыме, аэропортын терминалжым чоҥымо, чоҥештен кӱзымӧ да волен шичме полоса пужен ышталтеш, медицина тӧнеж ден школ- влак чоҥалтыт.,- манын палемден.
Мероприятийыште сенатор- влак Константин Косачёв ден Сергей Мартынов, Кугыжаныш Погыным вуйлатыше Михаил Васютин лийыныт.
Пайрем кышкарыште ойыртемалтше еҥ- влаклан Кугыжаныш награде- влакым кучыктымо. Суворовын медальжым младший лейтенант Александр Кармаенковлан пуымо, «Россий Федерацийын калык туныктышыжо» лӱм дене Марий университетын профессоржо Наталья Морова палемдалтын. Цифран вияҥмаш министр Венедикт Суворов «Российысе связь да уверын сулло пашаеҥже» лийын, «Первый май» озанлыкын шӧрын качествыже шотышто специалистше Людмила Жеребцовам «Российсе ял озанлыкын сулло пашаеҥже» лӱм дене палемдыме. Россий Президентын тауштымашыжым сӱретче Валерий Чеботкинлан увертарыме. Марий Элын сулло артистше лӱмым балетын артистше Артём Веденкинлан пуымо. Волжск гыч водитель Мансур Хаяров «Марий Эл транспортын сулло пашаеҥже лийын. Тыгак ятыр еҥ Правительствын Чап Грамотыжо, Республикым вуйлатышын тауштымашыже, «Лӱмын эртарыме сар операцийын участникшылан», «Марий Элым ыштымылан 105 ий» шарнымашан медаль- влак дене палемдалтыныт. Пайрем шӱлышым усталык коллектив- влак пуртеныт. Тӱрлӧ мероприятий- влак районлаштат эртеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Мероприятийыште сенатор- влак Константин Косачёв ден Сергей Мартынов, Кугыжаныш Погыным вуйлатыше Михаил Васютин лийыныт.
Пайрем кышкарыште ойыртемалтше еҥ- влаклан Кугыжаныш награде- влакым кучыктымо. Суворовын медальжым младший лейтенант Александр Кармаенковлан пуымо, «Россий Федерацийын калык туныктышыжо» лӱм дене Марий университетын профессоржо Наталья Морова палемдалтын. Цифран вияҥмаш министр Венедикт Суворов «Российысе связь да уверын сулло пашаеҥже» лийын, «Первый май» озанлыкын шӧрын качествыже шотышто специалистше Людмила Жеребцовам «Российсе ял озанлыкын сулло пашаеҥже» лӱм дене палемдыме. Россий Президентын тауштымашыжым сӱретче Валерий Чеботкинлан увертарыме. Марий Элын сулло артистше лӱмым балетын артистше Артём Веденкинлан пуымо. Волжск гыч водитель Мансур Хаяров «Марий Эл транспортын сулло пашаеҥже лийын. Тыгак ятыр еҥ Правительствын Чап Грамотыжо, Республикым вуйлатышын тауштымашыже, «Лӱмын эртарыме сар операцийын участникшылан», «Марий Элым ыштымылан 105 ий» шарнымашан медаль- влак дене палемдалтыныт. Пайрем шӱлышым усталык коллектив- влак пуртеныт. Тӱрлӧ мероприятий- влак районлаштат эртеныт.
Фото: Марий Элым вуйлатышын администрацийжын увер дене пашам ыштыше пӧлкаже.
