Кугу Вочармаште Совет Ушемын Геройжо Сергей Суворовым шарналтеныт
Совет Ушемын Геройжо Сергей Суворовым Кугу Вочармаште шарналтеныт. Марий Турек районысо Кугу Вочарма ялысе лу ий ончыч почмо мемориал-парк комплексыште тиде ялыште шочшо, Совет Ушемын Геройжо Сергей Суворовым шарнымылан полеклалтше мероприятий эртен. Лач 83 ий ожно марий мландын чапланыше эргыже Калуга областьысе ик ял верч геройла кредалмаште сусыргымыжлан кӧра госпитальыште ӱмыр лугыч лийын. Тудо мондаш лийдыме шке подвигшым 19 ияш улмыжо годым ыштен. Сергей Романович Суворов марий кокла гыч эн ончыч Совет Ушемын Геройжо лӱмым налын да республикыште шочшо да тиде лӱм дене палемдалтше эн самырык еҥ лийын.
Митингыш погынышо- влак ончылно Марий Эл Кугыжаныш Погыным вуйлатышын икымше алмаштышыже Лариса Яковлева, Марий Турек муниципал районым вуйлатыше Лариса Яндыбаева, район администрацийым вуйлатыше Сергей Решетов, Кугыжаныш Погынын депутатше Александр Павлов, Йошкар-Олаште Марий Турек землячествым вуйлатыше Аркадий Курочкин, мемориал-парк комплексым чоҥаш тӱҥалтышым ыштыше Светлана Конышева, Сысоево могыр ветеран- влак советым вуйлатыше Валентина Скулкина ойленыт. Погынышо- влак верысе калык дене пырля мемориал воктеке пеледышым пыштеныт.
Фото: «Единый Россий».
Митингыш погынышо- влак ончылно Марий Эл Кугыжаныш Погыным вуйлатышын икымше алмаштышыже Лариса Яковлева, Марий Турек муниципал районым вуйлатыше Лариса Яндыбаева, район администрацийым вуйлатыше Сергей Решетов, Кугыжаныш Погынын депутатше Александр Павлов, Йошкар-Олаште Марий Турек землячествым вуйлатыше Аркадий Курочкин, мемориал-парк комплексым чоҥаш тӱҥалтышым ыштыше Светлана Конышева, Сысоево могыр ветеран- влак советым вуйлатыше Валентина Скулкина ойленыт. Погынышо- влак верысе калык дене пырля мемориал воктеке пеледышым пыштеныт.
Фото: «Единый Россий».
