Марий Эл чыла субъект коклаште догазификаций шотышто мероприятий- влакым шуктымо дене кокымшо верым куча
Марий Эл чыла субъект коклаште догазификаций шотышто мероприятий- влакым шуктымо дене кокымшо верым куча. Республикым вуйлатыше Юрий Зайцев газификаций шотышто федерал штабын заседанийыштыже участвоватлен. Тудым Россий Правительстве вуйлатышын алмаштышыже Александр Новак эртарен. Совещанийыште суртлаш, сад товариществылаш да социал объектлаш газым пуртен пытарыме йодышым онченыт. Республикыште газым пуртымо илемлаште газ деке ушыдымо пӧрт- влаклан инвентаризацийым эре эртарен шогат, план-графикым уэмден шогат. Догазификаций программыш ушнашлан 11 тӱжемат 155 йодмашым пуымо. Тушечын лу тӱжемат 18-ыже пашаште улеш, шым тӱжемат 999 пӧртым ушымо. Тидыже ойпидыш деч 82 процент лиеш. 658 илемыште пучым участке чек марте шуктымо- палемден Марий Элым вуйлатыше. Сад товариществылаште пӧртлам инвентаризироватлыме почеш 12 товариществыште догазификаций йӧнлан келшен толшо 306 объектым рашемдыме. 208 ойпидышым кылдыме, 9 пӧртым ушымо. Догазификацийым эртарыме шотышто регион- влакын рейтингыштыште Марий Эл кокымшо верым айла.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
