Волжскышто самырык- влаклан кумдыкым ыштыме шотышто проект шыҥдаралтеш

Волжскышто самырык- влаклан кумдыкым ыштыме шотышто проект шыҥдаралтеш
              Волжскышто самырык- влаклан кумдыкым ыштыме шотышто проект шыҥдаралтеш. Республикыште  самырык шанчыеҥ, шымлыше, инноватор- влаклан, тыгак самырык- влаклан кумдыкым ыштыме да вияҥдыме шотышто Марий Элым вуйлатышын Грантшым налаш конкурсышто сеҥыше- влакым рашемденыт. Юрий Зайцевын шонымыжо почеш самырык- влаклан кумдыкым кажне районышто, эсогыл эн тораштат ышташ кӱлеш. Тиде пашалан сеҥыше- влак ик миллион теҥге полышым налыт. Окса пӧлемлам ачалаш, мебельым налаш, тыгак мероприятийлам эртараш колталтеш. Ик тыгай проектым Волжск олаште шыҥдарыме лиеш. Тиддеч посна конкурсын лектышыже почеш 100 тӱжем теҥге грантым республикысе вӱдышӧ вузлан самырык шанче пашаеҥышт налыт. Тений комиссий медицина да фармакологий, чоҥымаш да инженер разработкышто паша- влакым палемден. Грантлан кӧра самрык шанчыеҥ- влак шке научно шымлыме пашаштым эртараш да шыҥдараш полышым налыт. Тидын годым оксам материалым да оборудованийым налаш гына огыл, интеллектуал пого объектлан правам аралаш, савыкташ да ӧрдыжтӧ эртарыме шанче мероприятийлашке миен кошташат кучылташ лиеш, палемден Юрий Зайцев.
                Фото: Ю. Зайцев ТГК.

Прошлые выпуски