Йошкар-Олаште Россий кӱкшытан «Диво России» конкурсын полуфиналже тӱҥалын
Йошкар-Олаште Россий кӱкшытан «Диво России» конкурсын полуфиналже тӱҥалын. Рӱдӧ олашкына кинематограф ден путешествийым йӧратыше- влак чумыргеныт. Нуно турист видеон «Диво России» Россий кӱкшытан 12-шо фестивальын пелфиналыштыже участвоватлаш толыныт. Мероприятий теҥгече тӱҥалын да 18-ше июль марте шуйна. Юрий Зайцевын палемдыме семын, республике Российысе ик эн кумылым савырыше турист регион лияш шонымашке ӱшанлын кая. Чаткан пашам ыштымылан да федерал программе- влакым шыҥдарымылан кӧра уна- влаклан сай йӧн ышталтеш да экономикым вияҥдаш у йӧн- влак шочыт. Фестивальын участникше да унаже- влакым Республикым вуйлатышын лӱмжӧ дене республикысе правительствым вуйлатышын икымше алмаштышыже Дмитрий Троицкий саламлен. Тудо кӧргӧ да ӧрдыж гыч толмо туризмым вияҥдымаште тиде фестивальын кӱлешлыкшым палемден: «Диво России» конкурс мемнан кумда элнан поян да тӱрлӧ турист йӧнжым ончыкташ пеш келшыше амал. Тений Российысе 42 регионын представительже- влак участвоватлат. Нуно 200 утла пашам ямдыленыт. Событий мемнан элыште гына огыл, СНГ эллаштат турист видеон эн кугу конкурсшо улеш. Марий Эл Республике 24 проектым ончыкта.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
