Йошкар-Олаште у аэропортым почмашым 2027-ше ийыш кусарыме
Йошкар-Олаште у аэропортым почмашым 2027-ше ийыш кусарыме. Объектым тенийлан почаш палемдыме ыле гын, тудым 2027-ше ий мучашлан гына сдатлат,- увертара транспорт министерстве да амалжым умылтара. Эн ончыч паша кугытым кумдаҥдаш кӱлеш. Чоҥештен кӱзымӧ да волен шичме полоса деч посна перроным, юж суднын шогымо вержым, ий кылмыме ваштареш шӱрымӧ жидкостьым погымо системым, периметр мучко корным модернизироватлыман. Кокымшыжо: Главгосэкспертизын сай заключенийжым налше проект документацийыш кугу вашталтышым пуртымо. Кызыт пассажир терминалым чоҥен шуктымо, чоҥештен кӱзымӧ да волен шичме полоса да тудлан кӱлешан инфраструктура пужен ышталтеш. Чыла пашам мучашлыме у жап семын 2027-ше ийысе декабрьым палемдыме. Тидын нерген ВМарийЭл увер портал увертара. Эксперт- влак палемдат: тыгай кучалтмаш кугу инфраструктура проектлаште лиеда. Поснак пашам шуктымо годым тӱналтыш паша кугытым кумдаҥдыме нерген решений лукталтме годым. Транспорт министерстве палемда: ешартыш паша- влак чыла йодмашлан келшен толшо у аэропорт комплексым ышташ йӧным пуат.
Фото vk.com/airola
Фото vk.com/airola
