Кугыжаныш иктешлыше аттестацийым сдатлыдыме выпускник- влакым оксам тӱлыде пашазе профессийлан туныктат
Республикыштына кугыжаныш иктешлыше аттестацийым сдатлыдыме выпускник- влакым оксам тӱлыде пашазе профессийлан туныктат. Марий Элын Правительствыже «Республикыште образований нерген» регионысо законыш вашталтышым темлен. Тудо 9-ше классым тунем пытарыше да ГИА-м сдатлен кертдыме ӱдыр-рвезе- влакым поддержатлаш виктаралтын. Аттестацийым эртыдыме еҥ- влакым оксам тӱлыде йодмаш дене пайдаланыше профессийлан колледж ден техникумлаште туныкташ шонат. Тиде чынжымак специальностьым налаш да посна илышым тӱҥалаш сай шанс, а республикын экономикыжлан кадр ситыдымашым тӧрлаш полша. Законыш вашталтышым приниматлат гын, туныктыш министерстве кӱлешан профессий- влакын, тунемме тӧнеж- влакын спискыштым ышта да тунемаш налме да туныктымо радамым палемда.- каласен Марий Элым вуйлатыше.
Фото: Юрий Зайцевын ВК-же.
Фото: Юрий Зайцевын ВК-же.
