Кундемыштына 15 ерым пӱртӱс памятниклан шотлымо

Кундемыштына 15 ерым пӱртӱс памятниклан шотлымо
                Кундемыштына 15 ерым пӱртӱс памятниклан шотлымо, 10 куплан аралыме зоным ыштыме,- увертара пӱртӱс поянлык министерстве. Пӱртӱс памятниклан Таир, Табашин, Лисичкино, Светлое, Солёное ер- влакым да Юл кундемысе эн ару Нужъяр ден Карасьяр ер- влакым шотлымо. Ойыртемалтше купан кундем- влак, нунын колаште шуэн вашлиялтше кушкылан Куплонга куп Килемар районышто аралалтыт. Тудо вич тӱжемат 778 гектар кумдыкым айла да Юл кундемыште ик эн кугу куп кундем улеш. Тудо экосистемыште кӱлешан верым налын шога да эҥер, ер, изэҥер- влаклан вӱдым арала. Республикыштына чылаже 400 куп, 200 пӱя ден вӱдаралтыш, 600 утла ер шотлалтеш. Нуно 180 тӱжем утла гектар кумдыкым айлат. Тидыже республикысе кумдыкын 8 процентше лиеш. Республикысе вӱд да куп кумдык- влак шуэн вашлиялтше ятыр животный ден кушкыллан илыме сурт улыт. Нунын коклаште кугу шӱдырнер,  вӱдӱшкыж, ош шулдыран кырляк, шемчарлаҥге кайык- влак улыт.
          Фото: Пӱртӱс поянлык министерстве.

Прошлые выпуски