Курчак театр Юриныш да Козьмодемьянскыш гастроль дене кая
Курчак театр спектакльым Юриныште да Козьмодемьянскыште ончыкта. Тудо республике мучко гастрольыш кая да шке пашажым Шереметев замкыште да Курык марий драма театрын сценыштыже шында. Юриныште 6-шо числан йоча- влаклан «Колобокым» ончыкта гын, вес кечынже Козьмодемьянскыште йоча- влаклан «Эгерчым», кугыеҥ- влаклан «Панночкам» темла. Гастроль мучашыште Марий Элын калык артисткыже Марианна Сильвестрова шочмо кундемыштыже Чыкма олаште бенефисым ышта. Тудо шке усталык корныжым курык марий театрыште тӱҥалын да тушто 20 ий наре тыршен, вара пелашыже- актер да режиссёр Александр Сильвестров ден Йошкар-Олаш кусненыт. Ондак самырык театрыште, вара Курчак театрыште ышташ тӱҥалын. Тыште Марианнан шуко рольжо уло. Панночкышто тудо Хвеськан рольжым чоҥа. Икымше гана тиде рольым тудо курык марий тетарыште модын, а 7-ше октябрьыште шочмо верыштыже уэш тиде рольым чоҥа.
Фото: Республикысе курчак театр.
Фото: Республикысе курчак театр.
