Марий Элыште 44 тӱжемат 700 гектар кумдык кокияш озымым тергеныт

Марий Элыште 44 тӱжемат 700 гектар кумдык кокияш озымым тергеныт
              Марий Элыште 44 тӱжемат 700 гектар кумдык кокияш озымым тергеныт. Теле вараш кодын толын. Сандене шыжым ӱдымӧ озымын могайрак улмыжым онченыт. Ял озанлык министерствын увертарымыже почеш, шушаш ийысе урожайлан 44 тӱжемат 700 гектар кокияшым ӱдымо. Тушечын 42 тӱжем гектарже шыдан ден уржа улыт. 23-шо январьлан шотлымаште 72 процент пасу сайын аралалтеш. 28 процент пасу шотышто изирак йодыш- влак улыт. Тушто тӱҥ шотышто озым удажак огыл, но тергымаште улыт. 0,1 процент пасу але 70 гектарже начар улеш.
               Лум чот луммылан кӧра январьыште тылзаш нормо деч 120 процент лум возын. Тудо сай леведышым ыштен да йӱштӧ деч кӱлаш семын арала. Пасулаште лумын кӱжгытшо 30 гыч 54 сантиметр марте погынен. Мланде 17 гыч 30 сантиметр марте кылмен. Тидлан кӧра кушкылын вожшо воктене келшыше температура кучалтеш. Эше кӱлешан фактор семын лум йымалне ийын  укелыкшым палемдат. Кушкылын умбакыже кузе аралалтмыже февральысе да мартысе игече деч да шошым лумын шулымыжо деч шога. Тӱҥжӧ- писын ынже левеште да осал покшым ынже воч. Пасушто кужун кучалтше шулен лекше вӱдат эҥгекым конден кертеш.
             Фото: Архив.

Прошлые выпуски